БНХАУ-ын Бээжинд ардчиллыг дэмжигчдийг хүч хэрэглэн нухчин дарсан Тяньаньмэний хэргээс хойш яг 28 жилийн дараа буюу энэ сарын 4-ний орой Хонконгийн Ардчиллын төлөө тэмцэгчид томоохон хэмжээний уулзалтыг Хонконгийн төв хэсгийн цэцэрлэгт хүрээлэнд зохион байгуулжээ.

Цуглааны үеэр Хонзонгийн Ардчиллын холбоог байгуулах аж. Тус цуглаанд ихдээ 15 мянган хүн оролцсон гэх мэдээлэл байна.

Нөгөөтэйгүүр, Таньаньмэний хэргийг мэдэхгүй залуу үе хойчдоо цуглааны үеэр таниулах гэнэ. 1989 оны зургадугаар сарын 4-ний энэ өдөр тус талбайд эсэргүүцлээ илэрхийлж байсан оюутнууд болон иргэд рүү Хятадын армийнхан гал нээсэн билээ.

Энэ хэргийн үеэр 319 хүн амиа алдсан гэж тус улсын Засгийн газар мэдэгддэг боловч үүнээс ч олон хүн амь үрэгдсэн гэж хүний эрхийн төлөө тэмцэгчид үздэг юм. Уг хэргийг дахин шалгах шаардлагагүй гэж Бээжин үзсэн хэвээр байна.