Пакистанд суух Умард Солонгосын Элчин сайдын яамнаас мэдэгдэл гаргажээ. Тэрхүү мэдэгдэлд Пакистаны татварын албаны ажилтнууд Хойд Солонгосын дипломат ажилтан болон түүний эхнэрийг хүчирхийлж, зодсон тухай дурьдаж, холбогдох албан тушаалтанд арга хэмжээ авахыг шаарджээ.

Зэвсэглэсэн 10 орчим төрийн алба хаагчид Карачи хотод байрлах дипломат ажилтны гэр рүү нэвтэрч, толгойд нь буу тулгасан гэнэ. Мөн эхнэрийнх нь үснээс зулгааж чирснээс гадна тэдний зургийг ч мөн авсан аж.  Энэ явдлыг Пакистаны эрх баригчид ч хүлээн зөвшөөрчээ.  Хэрэг өнгөрсөн сарын 9-нд гарсан байна. Пакистаны Татварын Ерөнхий газрын дарга Шоайб Сиддикю “Энэ маш ноцтой асуудал. Хойд Солонгосын Элчин сайдын яамнаас гаргасан шаардлагын дагуу ажлын хэсэг гарч ажиллаж байгаа” гэж ярьжээ.