Францын Ерөнхийлөгчийн сонгуулийн нэгдүгээр шатны санал хураалт энэ сарын 29-нд болно. Тэгвэл сонгууль болоход ердөө 10 хоног үлдээд буй энэ үед бусдаасаа рейтинг өндөртэй яваа Үндэсний фронт намын нэр дэвшигч Марин Ле Пен, бие даан нэр дэвшигч эдийн засгийн сайд асан Эммануэл Макрон нар тус тусдаа нийслэл Парис хотод томоохон хэмжээний уулзалт зохион байгууллаа.

Парисын Берси цэнгэлдэх хүрээлэнд Макрон дэмжигчидтэйгээ уулзалт хийсэн бөгөөд энэ уулзалтад урьд өмнө нь байгаагүй хэмжээнд буюу 20 мянга орчим дэмжигч нь цугларсан аж. Тэгвэл Үндэсний фронт намын Ле Пен концертын их танхимд уулзалт хийж, 6000 дэмжигч нь цуглажээ. Түүний энэ уузалтад чармай нүцгэн эмэгтэй орж ирж, нэг хэсэгтээ үймээн самуун үүсгэсэн гэнэ. Францад явуулсан сүүлийн үеийн санал асуулгаар Ле Пен, Эммануэл Макрон нарын дэмжигчдийн тоо бараг ижилхэн буюу 22.5-23 хувь гэсэн үзүүлэлттэй байгаа билээ.