Цагдаагийн газраас архи, согтууруулах ундааны зүйл хэрэглэсэн үедээ машин барихгүй байх талаар анхаарууллаа. Учир нь цагдаагийн газарт энэ төрлийн дуудлага олон ирж байгаа аж. Өчигдөр гэхэд

архи согтууруулах ундаа хэрэглэсэн үедээ шонгийн шит руу орж цахилгаанд цохиулж түлэгдсэн хэрэг гарсан байна.

Тодруулбал, Баянзүрх дүүргийн XIV хороо “Консулын ... тоот хашааны гадна цахилгаанд цохиулсан хүн түргэн тусламжийн 103-аар ГССҮТөвийн Түлэнхийн тасагт хүргэгдэн ирж хэвтлээ” гэсэн дуудлага иржээ. Дуудлагын дагуу шалгахад, Чингэлтэй дүүргийн 19 хороонд оршин суух 22 настай С нь согтуурсан үедээ өндөр хүчдэлийн цахилгааны шит руу орж,  хүчдэлд цохиулсан байна. Улмаар хоёр гарын сарвуу нь гүн түлэгдсэн оноштойгоор эмчлүүлж байгаа юм байна.