Италийн Сери А лигийн 22 дугаар тойргийн ихэнх тоглолт өнгөрсөн шөнө боллоо. Энэ тойрогт хүснэгтийг тэргүүлэгч “Ювентус” клуб “Сассуоло”-гийн талбайд зочилж, 0:2-оор буулгаж авлаа. Ингэснээр 51 оноотой болж, араасаа нэхэж буй багаас 4 оноогоор тасраад байна. Дээрээс нь тэд нэг тойргийн тоглолт дутуу байгаа. Тоглолтын 9 дэх минутад Игуаин тооны харьцааг нээж, Сери А лигийн 15 дахь гоолоо оруулсан. Харин 25 дахь минутад Хедира нэгийг нэмжээ.

Хүснэгтийн хоёрдугаарт байрт бичигдэж байгаа “Рома” клуб энэ тойрогт “Сампдория”-гийн талбайд зочилж, 3:2-оор хожигдлоо. Ингэснээр 47 оноотой хэвээр үлдлээ. Гэхдээ хоёрдугаар байраа хадгалсан. Тоглолтын 5 дахь минутад Бруно Перес тооны харьцааг нээсэн бол Прат 21 дэх минутад тэнцүүлжээ. Гэвч 66 дахь минутад Жеко Сери А лигийн 15 дахь гоолоо оруулж, багтаа тэргүүлэл авчирсэн. Харин Шик 71, Муриэль 73 дахь минутад гоолдож, талбайн эзэд хожжээ.

Хүснэгтийн гуравдугаар байрт бичигдэж байгаа “Наполи” клуб энэ тойрогт “Палермо”-г талбайд хүлээж авч, 1:1-ээр тэнцлээ. Ингэснээр 45 оноотой боллоо. Тоглолтын 6 дахь минутад Несторовски тооны харьцааг нээсэн бол Мертенс 66 адхь минутад тэнцүүлжээ.

Бусад тоглолтын үр дүн
Торино 1-1 Аталанта
Кальяри 1-1 Болонья
Удинезе 2-1 Милан
Фиорентина 3-3 Женоа
Кротоне 4-1 Эмполи