Жүдо бөхийн улсын аварга шалгаруулах тэмцээний 66 кг-ын жинд хамгийн их дуулиан шуугиантай барилдаанууд боллоо. Энэ жингийн шилдэг бөх Д.Төмөрхүлэг эхний тойрогтоо ялагдаж, тэмцээнийг орхисон. Мөн энэ жингийн шилдэг бөх А.Батсуурь, Д.Алтансүх зэрэг бөхчүүд финалд гарч чадаагүй юм.
Харин 66 кг-ын жинд ОУХМ, “Сүлд” спорт хорооны тамирчин Г.Хэрлэн “Увс нуур” дэвжээний бөх Б.Эрхэмбаяр нар финалдаж, шинэ аварга төрлөө. Тодруулбал, Г.Хэрлэн өрсөлдөгчөө тохох мэхээр цэвэр ялж, алтан медаль хүртлээ. Тэрбээр 60 кг-д улсын аварга болж байсан бол энэ удаад жин өгсч, аварга болж чадлаа.
Тэгвэл хүрэл медалийг “Хангарьд” спорт хорооны тамирчин Д.Алтансүх, “Женко” клубын тамирчин н.Ганболд нар хүртлээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
