Японы мэргэжлийн сүмогийн арваннэгдүгээр сар буюу Кюүшюү башёгийн зургаа дахь өдрийн барилдаан болж өндөрлөлөө.

Мэргэжилийн сүмогийн 69 дэх их аварга Хакухо М.Даваажаргал маэгашири-3 барилдаж байгаа Эндотой барилдаж ёрикири мэхээр уналаа. Ийнхүү таван даваа нэг унаатай болсон бол мэргэжилийн сүмогийн 70 дахь их аварга Харумафүжи Д.Бямбадорж маэгашири-3 барилдаж байгаа Шодайтай барилдаж ошидаши мэхээр давж таван даваа нэг унаатай боллоо. Харин 71 дэх их аварга Какүрю М.Ананд маэгашири-2 барилдаж байгаа Ёшиказитай барилдаж зургаа дахь учраа бөхөө өвдөг шороодууллаа.

Тус башёг ёкозуна Какүрю башёг ганцаар тэргүүлж байгаа бол Хакухо, Харумафүжи, озеки Гоэйдо, Кисеносато, М-8 Икой, М-10 Чиёошома, М-14 Сококурай, М-15 Ишиура нар нэг унаатайгаар удаалж байна.

Кюүшюү башёгийн хоёр дахь өдөр Хакухо М.Даваажаргал маэгашири-2 барилдаж байгаа Ёшиказитай, Харумафүжи Д.Бямбадорж комосүби Матэкиуматай, Какүрю М.Ананд маэгашири-3 барилдаж байгаа Эндотой барилдана
 
Бусад бөхчүүд
Ёкозуна Хакүхо М.Даваажаргал 5-1
Ёкозуна Харумафүжи Д.Бямбадорж 5-1
Ёкозуна Какүрю М.Ананд 6-0
Озеки Терүнофүжи Г.Ган-Эрдэнэ 4-2
Комосүби Тамаваши Б.Мөнх-Оргил 4-2
Маэгашири-7 Таканойва А.Баасандорж 3-3
Маэгашири-10 Араваши Э.Дөлгөөн 4-2
Маэгашири-10 Чиёошома Г.Мөнхсайхан 5-1
Маэгашири-11 Кёкүшюүхо Т.Эрдэнэбаатар 1-5
Маэгашири-11 Ичиножу А.Ичинноров 3-3