Английн премьер лигийн 96 дүгээр тойргийн хамгийн анхаарал татсан тоглолт өнгөрсөн шөнө боллоо. Лондон хотын “Челси” клуб талбайдаа алдарт “Манчестер Юнайтед”-ыг хүлээж авч, 4:0-ээр бутниргэлээ. Өнгөрсөн улиралд “Челси”-гээс халагдаж, “Манчестер Юнайтед”-д ирсэн “Онцгой нэгэн” гэгдэх Жозе Моуриньо ийнхүү гутамшигт ялагдлыг хүлээгээд буцсан юм.

Тоглолт эхлээд дөнгөж 39 дэх секундэд Педро гоолдож, тооны харьцааг нээсэн. Улмаар 21 дэх минутад Кейхилл нэгийг нэмсэн бол Азар 62 дахь минутад багийнхаа гурав дахь гоолыг оруулжээ. Тэгвэл Канте 70 дахь минутад эцсийн цэгийг нь тавьж, “Челси” гайхалтай ялалт байгууллаа. Ингэснээр “Цэнхэр”-үүд 19 оноотой болж, дөрөвдүгээр байрт бичигдэж байна. “Челси”-гийн өмнө 20 оноотой гурван баг байгаа юм.

Хүснэгтийг тэргүүлэгч “Манчестер Сити” энэ тойрогт талбайдаа “Саутгэмптон” клубтэй тулж, 1:1-ээр тэнцсэнээр 20 оноотой болсон. Гэхдээ гоолын зөрүүгээр хүснэгтийг тэргүүлсэн хэвээр үлдсэн билээ.