Ази, Номхон далайн өсвөрийн буюу 18 хүртэлх насны хоккейн аварга шалгаруулах тэмцээн Монгол Улсад анх удаа болж байна.

Өчигдөр манай шигшээ Узбекстаны багтай тоглож 7-4 харьцаагаар ялагдал хүлээжээ. Тоглолтын эхний үеийг 2-1 харьцаагаар манай шигшээ илүү дуусгаж чадсан ч хоёрдугаар үед Узбекстаны баг гурван гоолыг оруулснаар 4-4харьцаагаар тэнцүүлж дуусгажээ. Шийдвэрлэх үед гурван гоолыг дараалж алдснаар тоглолт өндөрлөжээ.

Манай шигшээ 6 оноотойгоор хүснэгтийн хоёрт эрэмбэлэгдэж байгаа бөгөөд тэдний өмнө 9 оноотой Узбекстаны баг эрэмбэлэгдэж байна. Энэхүү тэмцээний эхний өдөр /2023.03.11/ Монголын шигшээ баг Ираны шигшээ багтай тоглож 5-0 харьцаагаар хожсон. Хоёр дахь өдөр /2023.03.12/ Монголын баг АНЭУ-ын багтай тоглож 10:2 харьцаагаар хожсон юм. Монголын хоккейчид өнөөдөр /2023.03.15/ 20.30 цагаас Туркменстаны багтай, нөгөөдөр /2023.03.17/ 20:30 цагаас Тайландын багтай тоглоно.