Унгар улсын Дебрецен хотноо зохион байгуулагдаж байгаа 18 нас хүртлэх 3х3 тэмцээний ДАШТ-д Монгол Улсын 18 хүртэлх насны эмэгтэй болон эрэгтэй шигшээ багийн орж байгаа билээ. Тус тэмцээнд эрэгтэй баг "B" хэсэгт багтсан бөгөөд Киргизстан, Латви, Португал, Чили багуудтай нэг хэсэгт орсон билээ.

Тэгвэл өчигдөр манай шигшээ хэсгийн эхний хоёр тоглолтоо хийсэн бөгөөд эхний тоглолт Латвийн багтай хийж 22-18 харьцаагаар хожсон бол дараагийн тоглолт Киргизстаны багтай хийж 20-21 харьцаагаар хожигдлоо. Киргизстаны багтай хийсэн тоглолт эхлэлийг гайхалтай хийж байсан ч тоглолтын төгсгөлийг тааруухан хийснээр хожигдол хүлээсэн билээ. Одоо тэд маргааш буюу энэ сарын 25-нд 19:00 цагт Португал, 21:50 цагт Чилийн багуудтай тоглолтоо хийнэ.

Монгол улсын эрэгтэй шигшээ багийн бүрэлдэхүүн

• Сандагдоржийн БИНДЭРЬЯ , УБ хот - Хан-Уул дүүрэг, 52-р сургууль, өндөр 200см
• Чингэсийн ТЭМҮҮЛЭН, УБ хот Баянзүрх дүүрэг, MIU ЕБС төгссөн, одоо РОЯАЛ ОУИС -д элсэн орж байгаа, өндөр 197см
• Чимэдцэрэнгийн ЧОЙЖИЛСҮРЭН , Өвөрхангай аймаг Арвайхээр хот, өндөр 189см. Сэлбэ сургуудь төгссөн.
• Амарзаяагийн БИЛГҮҮН, УБ хот - Сонгинохайрхан дүүрэг, Ирээдүй цогцолбор ЕБС төгссөн, өндөр 192см

Маргааш буюу 8 сарын 25нд:

• 19:00 Монгол - Португал
• 21:50 Монгол - Чили

Эмэгтэй шигшээ баг 8 сарын 25-нд:

• 00:15 Монгол-Киргизстан
• 01:55 АНУ-Монгол
• 23:00 Монгол-Украйн

8 сарын 26-нд:

• 00:50 Египет-Монгол