NBA-ын дорнод бүсийн аваргын төлөө Миами Хит болон Бостон Селтикс багууд хоорондоо үлдсэн билээ. Тэгвэл өнөөдөр шийдвэрлэх долоо дахь тоглолт Хитийн талбайд боллоо. Тус тоглолтын эхний үеийг 15 онооны зөрүүгээр Селтикс тэргүүлсэн бол хоёрдугаар үед онооны зөрүү ойртож зургаа болжээ. Улмаар гуравдугаар үед оноо ойртож байсан ч зочин баг тэргүүллээ алдалгүй тоглосоор шийдвэрлэх үеийн төгсгөлд Хитийн Жимим Батлер тэргүүлэх боломжтой холын зайн шидэлтээ алдсаар 100-96 харьцаагаар Селтикс хожлоо.

Улмаар цувралыг 4-3 харьцаагаар Селтикс тэргүүлж дуусгаж байгаа бөгөөд дорнод бүсийн аварга боллоо. Тэд NBA-ын аваргын төлөө Голдэн Стэйт Уорриорс багтай тоглох бөгөөд эхний тоглолт зургадугаар сарын 3-ны өглөө 09:00 цагт болно.

Тус тоглолтод Жэйсон Тэйтум 26 оноо, 10 самбар, 6 дамжуулалтаар багаа тэргүүлсэн бол Жэйлон Браун 24 оноо, 6 самбар, 6 дамжуулалт, Маркус Смарт 24 оноо, 9 самбар, 5 

дамжуулалтыг гүйцэтгэжээ. Харин эсрэг багаас Жимми Батлер 35 оноогоор бүх тоглогчдыг тэргүүлсэн бол Бэм Адебайо 25 оноо, 11 самбар, Кайл Ловри 15 оноог авчээ.