NBA-ын талбайд өнөөдөр 12 тоглолт боллоо. Сүүлийн 15 тоглолтынхоо 12-т нь ялагдал хүлээгээд байсан Лос Анжелес Лейкэрс өнөөдөр Торонто Репторс багийн талбайд зочиллоо. Хоёр баг хэдхэн хоногийн өмнө Лейкэрсийн талбайд тоглосон бөгөөд тус тоглолтод Репторс 13 онооны илүүгээр хожсон билээ.
Тэгвэл өнөөдрийн тоглолт маш сонирхолтой болсон бөгөөд тоглолт нэмэлт цагт 128-123 харьцаагаар Лейкэрсийн ялалтаар өндөрлөлөө. Улмаар улирлын 30 дахь хожлоо байгуулсан бөгөөд өрнөд бүсийн 9-т бичигдэж байна. Харин Репторс 39 хожил, 31 хожигдолтой болж дорнод бүсийн 7-рт бичигдэж байна.
Тус тоглолтод ЛеБрон Жэймс 36 оноо, 9 самбар, 7 оновчтой дамжуулалт, 2 хаалтаар багаа тэргүүлсэн бол Рассел Уэстбрүүк 22 оноо, 10 самбар, 10 дамжуулалтаар трипл дабл гүйтцэтгэжээ. Эсрэг багаас Скоти Барнес 31 оноо, 17 самбар, 6 дамжуулалтаар багаа тэргүүлсэн бол Гарри Трэнд 23 оноо, Фред Ванвлийт 20 оноог авчээ.
Өнөөдөр болсон бусад тоглолтын үр дүн
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
