Монголын шилдэг ширэн бээлийтнүүд Риогийн олимпийн наадамд зургуулаа оролцсон. Тэгвэл боксчдын нэр төрийг Б.Отгондалай аварч, хүрэл медаль хүртсэн билээ. Харин медаль хүртсэний дараа түүнийг орон сууцны зээлээ төлөх зорилгодоо хүрч чадлаа хэмээн ярьсан талаар цахим ертөнцөөр шуугиж, түүгээр бахархсан билээ.
Тэгвэл тэрбээр энэ талаараа ярьжээ. Б.Отгондалай “Би жүдо Баясаа ахад ипотекийн зээлд орсоноо хэлж байсан юм. Тэгсэн ярьсан байна лээ. Гэхдээ би эмзэглээгүй, юм бодоогүй ээ. Залуу хүмүүс бүгдээрээ л зээлтэй, амьдрах гэж яваа шүү дээ. Намайг хүрэл медалийн болзол хангасан тулаанд ялчихаад гараа өргөсөн зургийг хүмүүс эвлүүлээд "8 хувийн зээлээ төллөө" гэж бичсэн байгаа харагдсан. Манайхан бас шооч байгаа юм шүү" хэмээн ярьж, инээжээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
