Английн алдарт “Манчестер Юнайтед” болон Испанийн “Барселона” багийн домогт тоглогчдын хооронд болох нөхөрсөг тоглолтод хөнгөн атлетикийн нэр тамирчин Усэйн Болт оролцоно гэж байсан. “Манчестер Юнайтед”-ын бүрэлдэхүүнд багтаж тоглохоор байсан нэр гүйгч Лондонд болсон хөнгөн атлетикийн ДАШТ-ий үеэр авсан бэртлийнхээ улмаас энэ тоглолтод оролцож чадахааргүй болжээ.
Тэрбээр энэ талаараа “Би “Манчестер Юнайтед”-ын домогт тамирчидтай хамт нэг багт тоглохыг хүссэн. Харамсалтай нь миний шөрмөс тасарсан. Эдгэхэд гурван сарын хугацаа шаардлагатай гэсэн.
Би өөрийнхөө эрүүл мэндийн талаар хүмүүст мэдээлэл өгөөд байдаггүй. Гэхдээ энэ удаад мэдээлэхээс өөр арга байсангүй. Би фэнүүдээ баярлуулахыг хүсдэг. Сүүлчийн удаад ДАШТ-д амжилттай оролцохыг би чи сэтгэлээсээ хүсч байсан” хэмээн ярьжээ.
“Манчестер Юнайтед” болон “Барселона” багуудын домогт тамирчдын хоорон дахь нөхөрсөг тэмцээн ирэх есдүгээр сарын 2-ны өдөр болох билээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
