NBA-ын аваргын төлөө Голдэн Стэйт Уорриорс, Клевлэнд Кавалерстай цувралын гурав тоглолтыг тоглож дууслаа.

Кавалерс өөрийн талбай дээрээ тоглосон тоглолтын эхний хагаст 67-61 харьцаагаар хожигдож байсан ч гуравдугаар үед гайхалтай тоглолтыг үзүүлж таван онооны илүүгээр дуусгажээ. Шийдвэрлэх үе дуусахад 3.09 минут дутуу байхад ЖР Смит холын зайнаас оруулж зургаан оноогоор тэргүүлж байсан ч үүнээс хойш оноо авч чадаагүй бөгөөд харин Кэвин Дурант сүүлийн долоон оноог авч баг нь 118-113  харьцаагаар баг нь хожлоо. Цуврал 3-0 болсон бол плэйоффт 15 тоглолт дараалан ялалт байгуулж лигийн түүхэн дээд амжилт тогтоожээ.

Тус тоглолтод Кэвин Дурант 41 минут тоглож 31 оноо 8 самбар 4 оновчтой дамжуулалт, Клэй Томпсон 41 минут тоглож 30 оноо 6 самбар 2 оновчтой дамжуулалт, Стифэн Көрри 39 минут тоглож 26 оноо 13 самбар 6 оновчтой дамжуулалт гүйцэтгэсэн бол Леброн Жеймс 46 минут тоглож 39 оноо 11 самбар 9 оновчтой дамжуулалт, Кайри Ирвинг 44 минут тоглож 38 оноо 6 самбар 3 оновчтой дамжуулалт,
Кэвин Лов 39 минут тоглож 9 оноо 13 самбар 1 оновчтой дамжуулалт хийлээ