Америкийн үндэсний сагсанбөмбөгийн холбооны 2016-2017 оны плей-оффын финалын эхний тоглолт өнөөдөр өглөө боллоо. Финалд өмнөх хоёр жил хоорондоо тулсан “Голден стэйт” болон “Кливленд” багууд шалгарч үлдсэн. Тэгвэл эхний тоглолт “Алтан мужийн дайчид”-ын талбайд болж, эзэд 113:91-ээр өрсөлдөгчөө илт давуу буулгаж авлаа.
22 онооны зөрүүтэй дууссан энэ тоглолтод “Голден стэйт” дөрвөн үеийн турш илүүрхсэн. Эхний үед 35:30, хоёрдугаар үед 25:22-оор талбайн эзэд илүүрхсэн. Улмаар гуравдугаар үед 33:20-оор хожсон бол шийдвэрлэх үед мөн л илүүрхэж, 20:19-ээр хожсон юм. Энэ тоглолтод “Голден стэйт”-ээс Кевин Дюрант 38, Стефен Карри 28 оноо авч, багийнхны чирлээ.
Тэгвэл “Кливленд”-ээс Леброн Жеймс 28, Кайри Ирвинг 24, Кевин Лав 15 оноо авч, гурван лидер нь сай тоглосон ч бусад тамирчид тун хангалтгүй байлаа.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
