Ойрын өдрүүдэд баруун аймгуудын нутгаар цаг агаар муудаж, цас орж, цасан шуурга шуурч байгаа билээ. Тэгвэл үүнтэй холбогдуулан   Автотээврийн үндэсний төвөөс өнөөдөр  хуваарийн дагуу Баянхонгор, Говь-Алтай, Ховд, Баян-Өлгий аймгуудын чиглэлд үйлчилгээнд гарах тээврийн хэрэгслийн хөдөлгөөнийг тодорхойгүй хугацаагаар хязгаарлахаар болжээ.

Түүнээс гадна, Баянхонгор аймагт их хэмжээний цас орж, цасан шуурга шууран цаг агаарын нөхцөл хүндэрч үзэгдэх орчин хязгаарлагдаж байгаа аж. Нөхцөл байдалтай холбогдуулан   Баянхонгор аймгийн төвөөс Улаанбаатар хот болон бусад аймаг, сумд руу гарах хөдөлгөөнийг түр хугацаагаар хязгаарласан байна. зарим аймагт хүмүүс алга болсноос эрэн сурвалжилж, зарим газарт цас мөсөнд суусан игэдийг аврах ажиллагаа явагдаж байгаа юм байна. Цасан шуурга цаашид ч үргэлжлэх төлөвтэй байгаа учир иргэд баруун аймгууд руу явах бол хойшлуулах хэрэгтэй.