Ухаалаг гар утасны салбартаа тэргүүлэгч “Apple” компани тун удахгүй улаан өнгийн “I phone-7” гар утсыг худалдаанд гаргахаар болсноо өчигдөр мэдэгджээ.

Шинэ өнгөтэйгөөр худалдаанд гарах утас улаан өнгийн хөнгөн цагаан гадаргуутай байх бөгөөд тус утасны борлуулалтын тодорхой хувь нь ДОХ-той тэмцэх олон улсын санд хандивлагдах аж.

Шинэ бүтээгдэхүүн танилцуулах үйл ажиллагааны үеэр “Apple” компанийн Ерөнхий захирал Тим Кук “Улаан өнгийн I phone-7-ын шинэ хувилбарыг “RED” компанитай хамтран гаргаж байна.

Энэ нь “Product RED нэртэй хамгийн том бүтээгдэхүүн байх ба түүнийг үйлчлүүлэгчдийн гарт хүргэх өдрийг тэсэн ядан хүлээж байна” гэжээ.

Улаан өнгөтэй “iPhone 7” болон “iPhone 7 Plus" загваруудын өнгө нь одоо байгаа бүх өнгөнүүдээс хамгийн содон нь болж байгаа юм. Утас энэ сарын 24-нөөс худалдаанд гарна.