1998 онд шоронгоос оргосон Италийн хар тамхины бүлэглэлийн гишүүн фэйсбүүк хуудастаа зургаа нийтэлснийхээ дараа баривчлагджээ. Гьюлио Перроне гэгч 65 настай тэрбээр Италийн өмнөд хэсгийг Наплес дахь “Каморра” гэх хар тамхины бүлэглэлд харьяалагдаж, 1980-1990 онуудад их хэмжээний мансууруулах бодис худалдан борлуулсан хэрэгт сэжиглэгдэж байжээ.

Улмаар 1993 онд эхнэрийнхээ хамт 16 кг кокайн нууцаар хил нэвтрүүлэхийг завдсан хэргээр баривчлагдаж, чанга дэглэмтэй хорих ангид 22 жилийг өнгөрүүлэх ял шийтгүүлжээ. Гэвч 1998 онд оргож, түүнээс хойш ор сураггүй болсон байна.

Харин сүүлийн үед  Италийн цагдаа нар фэйсбүүкээр дамжуулан түүнийг эрэн хайсны эцэст Гьюлио Перронег Мексикийн Тамаулипас мужийн Тампикод хуурамч нэрээр амьдарч, нутгийн бүсгүйтэй гэрлэн, хүүхэдтэй болсон байхад нь олжээ. Цагдаа нар түүнийг гэрээс нь баривчилж, Итали руу шилжүүлсэн аж.