Английн “Арсенал” клубын хагас хамгаалагч Алексис Санчес ирэх зуны солилцоо наймааны цонхоор “Манчестер Юнайтед” руу явж магадгүй нь. Учир нь ирэх зун “Улаан чөтгөрүүд”-ийн удирдлагууд түүний төлөө санал хүргүүлэхээр төлөвлөж байгаа ажээ.

Ерөөс Санчес ирэх зун багаасаа явж магадгүй байгаа. Мөн багийнхантайгаа муудалцсан талаар ч мэдээлэл гарч байсан билээ.  Хамгийн гол нь цалингийн асуудал дээр тохиролцож чадахгүй байгаа юм. Тиймээс явах магадлал өндөр.

Transfermarkt-ын мэдээлж байгаагаар Санчес 55 саяар үнэлэгдэж байгаа аж. Харин түүний “Арсенал”-тай байгуулсан гэрээ 2018 онд дуусна. Өдгөө 28 настай Чили эр энэ улиралд премьер лигийн 26 тоглолтод оролцож, 17 гоол оруулж, 8 гоолын дамжуулалт өгчихөөд байгаа билээ.