Шүүхээс 94 хүнд баривчлах шийтгэл оногдуулсан байна. Тодруулбал, Монгол Улсын Замын хөдөлгөөний аюулгүй байдлын тухай хуулийн 27.3-т 2017 оны нэгдүгээр сарын 19-ний өдрийн хуулиар өөрчлөлт оруулж “Тээврийн хэрэгсэл жолоодох эрхгүй буюу уг эрхээ хасуулсан этгээд согтууруулах ундаа, мансууруулах эм, сэтгэцэд нөлөөт бодис хэрэглэсэн үедээ тээврийн хэрэгсэл жолоодсон бол долоо хоногоос гуч хоног хүртэл хугацаагаар баривчлах шийтгэл” оногдуулахаар заасан билээ.

Тэгвэл тус хуулийн заалт хэрэгжиж эхэлсэнээс хойш нийслэлийн хэмжээнд нийт 94 хүнд 7-30 хоногийн баривчилах шийтгэлийг шүүхээс оногдуулсан аж.