АНУ-ын нийслэл Вашингтон ДС хотод байрлах Цагаан ордны хашаа руу  цүнх үүрсэн үл таних залуу нэвтэрч, төд удалгүй хамгаалалтын албаныханд баривчлагджээ. Тус албаны мэдээлснээр уг этгээд бямба гарагийн шөнө буюу Ерөнхийлөгч Доналд Трампыг Цагаан ордонд байх үеэр нэвтрэх гэж оролдсон байна. Мөн түүний үүрч явсан цүнхнээс нь ямар нэг сэжигтэй зүйл олдоогүй аж.

Цагаан ордон руу нэвтэрсэн тохиолдол сүүлийн үед хэд хэдэн удаа гарсан юм. Өмнөх Ерөнхийлөгч Барак Обамагийн үед буюу 2014 онд Омар Гонзалес гэгч хутгаар зэвсэглэж, Цагаан ордны хашаа руу нэвтэрснийхээ дараа төд удалгүй хамгаалалтын албаныханд баривчлагдаж байв.