Зочид буудлын ресторанд хоол идэж, түүнийхээ мөнгийг төлөлгүй зугтаасан 100 гаруй иргэний нэгийг нь  баривчилжээ. Эл явдал Испанийн Бембибре дэх Кармен гэх зочид буудалд энэ сарын 27-нд  болсон бөгөөд 100 гаруй хүмүүс хэдэн сая еврогийн үнэ бүхий хоол идэж хөгжилдсөнийхөө дараа тооцоогоо хийлгүй зугтаасан байдаг. 

Тухайн үед рестораны ажилтнууд бүжиглэж байна гэж бодсон тухайгаа орон нутгийн эх сурвалжид ярьсан нь бий. Тэгвэл уг хэргийг голлон зохион байгуулсан гэх 48 настай Румыны иргэнийг  Испанийн цагдаа нар баривчилсан байна.

Хэргийн сэжигтнийг Испанийн Леон мужийн Понферрадагаас баривчилжээ.  Гэхдээ Кармен зочид буудлаас 10 орчим км зайтай орших өөр нэгэн ресторан ч мөн өнгөрсөн сарын дунд үед дээрхтэй төстэй хохирол амссан нь илэрчээ. Хурим хийж буй гэх 200 орчим хүн тус ресторанд цуглаж, 10-12 мянган еврогийн үнэ бүхий үйлчилгээ авсан байжээ.