Тайландын нийслэл Бангкок хотод байрлах Чулалонкорн их сургуулийн амьтны эмнэлэг нийтдээ таван килограмм жинтэй зоос залгисан яст мэлхийд мэс засал хийжээ. Мэс засал долоон цаг гаруй үргэлжилж, яст мэлхийн ходоодноос 915 ширхэг зоос гарч ирсэн байна.

Тайландаар эрдэнэсийн хайрцаг гэх утгатай хоч нэр бүхий 25 настай эл яст мэлхий өөрийн амьдарч байсан цөөрөм рүү нь аз хүсэн шидсэн хүмүүсийн зоосыг залгисан байж магадгүй гэж албаныхан үзэж байгаа аж.

Тэнгисийн ногоон мэлхий нь дунджаар 80 насалдаг бөгөөд дэлхийн нэн ховор буюу устах аюулд орсон амьтдын жагсаалтад багтдаг байна.