“Алтан унжлагат” хэмээх сар шинийн баярт зориулсан хүчит 256 бөхөөс шалгарч үлдсэн Улсын аварга Ч.Санжаадамба, аймгийн арслан О.Хангай нар түрүү, үзүүр булаалдлаа. Улсын аварга Ч.Санжаадамба өмнө нь хоёр удаа сар шинийн баярт зориулсан бөхийн барилдаанд түрүүлээд байсан. Харин аймгийн арслан О.Хангай хоёр дахь удаагаа үзүүр, түрүүнд үлдээд байсан юм.

Тэгвэл Архангай аймгийн Хашаат сумын харьяат Улсын аварга Ч.Санжаадамба өрсөлдөгчөө давж, гурав дахь удаагаа түрүүллээ. Харин Ховд аймгийн харьяат аймгийн арслан О.Хангай хоёр дахь удаагаа үзүүрлэж, монгол бөхийн түүхэн дэх нэгэн содон амжилтын эзэн боллоо.