Азербайжаны Ерөнхийлөгч Ильхам Алиев өчигдөр өөрийн эхнэрээ дэд Ерөнхийлөгчөөр нэрлэжээ.  Газрын тосны арвин их баялаг нөөцтэй тус улсын төрийн дээд албан тушаалд эхнэр нөхөр ийнхүү очсон нь гэр бүлээрээ хяналтыг гартаа авах оролдлого гэж харагдаж буй талаар дэлхийн хэвлэлүүд бичиж эхэллээ.

Тус улс өнгөрсөн жил Үндсэн хуульдаа өөрчлөлт оруулсан. Тэгвэл өчигдөр тэрбээр “Үндэсний аюулгүй байдлын байнгын хорооны хурал дээр “Эхнэрээ мэргэжлийн, боловсролтой, туршлагатай, хамгийн гол нь итгэл даах чадвартай” хэмээн магтжээ. Хамгийн чухал нь Үндсэн хуулийн өөрчлөлтөд “Улсын дэд Ерөнхийлөгч нь төрийн тэргүүнийг үүргээ гүйцэтгэх боломжгүй болвол түүнийг орлох эрхтэй” хэмээн тусгасан байдаг аж.

Алиев 2003 онд хуучин Зөвлөлт холбоот улсын Үндэсний аюулгүй байдлын хорооны гишүүнээр ажиллаж байсан эцэг Хейпар Алиевыг залгамжлан Ерөнхийлөгчөөр томилогдож байжээ. Тиймдээ ч, энэ удаа эхнэрээ өөрийн залгамжлагчаа болгохоор шийдсэн бололтой. Гэвч түүний шийдвэр сөрөг хүчнийхний эсэргүүцэлтэй тулгараад байна.