Манай улсад их хэмжээний хорт бодис тээвэрлэж, ашиглахыг хориглодог. Өнгөрсөн баасан гарагт гэхэд их хэмжээний мөнгөн ус тээвэрлэсэн хэрэг гарсан байна.

Тодруулбал, А, Т, Б, О, Д нарын таван этгээд бүлэглэн өнгөрсөн баасан гарагт 34 кг мөнгөн ус тээвэрлэж яваад Төмөр зам дахь Цагдаагийн газрын Эрүүгийн тасгийн алба хаагчдад баригджээ. Цагдаагийн албан хаагчид гэмт этгээдүүдийг мөнгөн усаа худалдах гэж явахад нь илрүүлсэн аж. Харин Сонгинохайрхан дүүргийн Цагдаагийн III хэлтэс, НОБГ-ын алба хаагчид хэргийн газарт ажиллаж бодисыг аюулгүй болгосон байна.