Казахстаны ядуурлыг бууруулах хөтөлбөр буюу “G Time” гэх сүлжээнд маш олон хүн элсэн орж, олон сая төгрөгөө өгч эхэлсэн. Цагдаагийн байгууллагаас анхааруулж, хэвлэл мэдээллийн хэрэгслээр луйвар гэдгийг нь бичиж байсан ч иргэд тоохгүй байсаар байсан юм. Гэтэл энэхүү сүлжээг эхлүүлсэн гэх Марат гэгч нь Монголоос зугтах гэж байхад нь цагдаагийн байгууллагаас баривчилсан билээ.

Тэгвэл өчигдрөөс эхлэн 40, 50 хүн УМБГ-т хандаж, өргөдөл гомдол гаргаж эхэлжээ. Уг нь цагдаагийн байгууллагаас өнгөрсөн пүрэв гарагт “G Time” сүлжээний удирдлагын багт ажилласан гэх найман хүнийг баривчилж, Баянгол дүүрэгт байрлах оффисыг нь битүүмжилж, хаасан юм байна. Урьдчилсан байдлаар 17 мянган хүн хохирсон байж магадгүй гэсэн тоо гараад байгаа аж. Цаашлаад цагдаагийн байгууллагад өргөдөл гаргах хүний тоо нэмэгдвэл хэчнээн хүн хохирсон нь албан ёсоор тодорхой болох юм.