Францын Гадаад хэргийн сайд Жан Марк Эйру  ирэх 4-5 дугаар сард болох Ерөнхийлөгчийн сонгуулийн үеэр ОХУ өнгөрсөн жилийн АНУ-ын Ерөнхийлөгчийн сонгууль шиг зүйл болох вий гэдгийг онцгойлон анхааруулжээ. АНУ-ын Тагнуулын алба Ерөнхийлөгчийн сонгуулиар үл хөдлөх хөрөнгийн тэрбумтан Доналд Трампыг ялуулахын тулд ОХУ хөндлөнгөөс оролцсон гэж мэдэгдсэн удаатай.

Тэгвэл Францын Гадаад хэргийн сайд Эйру парламентын чуулган дээр үг хэлэхдээ “Манай сонгуулийн үйл явцад хөндлөнгөөс оролцохыг ОХУ байна уу, өөр улс оронд байна уу хэзээ ч хүлээн зөвшөөрч болохгүй” гэдгийг онцолжээ. Мөн “АНУ-д болсон явдлыг нягталж үзвэл ардчилалын үйл явцаар сонгуулийг явуулах хэрэгтэй хэдий ч, шаардлагатай арга хэмжээ авах нь бидний үүрэг” гэсэн байна.