Индонезийн хоёр дахь том хот болох Сурабаяад лалын шашны сургуулийн сурагчид Валентины баярыг эсэргүүцэн жагсчээ. Жагсаалд 13-15 насны хүүхдүүд оролцсон байна. Тэд Валентины баярыг  тодорхойгүй олон хүнтэй бэлгийн хавьталд орохыг дэмжсэн утга агуулгатай гэдгийг онцлон “Валентиныг хориглоё” хэмээн уриалж байжээ.

Харин Пакистаны Исламабад шүүх тус нутагт Валентины баярыг тэмдэглэхийг хориглосон байна. Тэд “Бидний уламжлал, үнэт зүйлсэд харшилж буй ёс суртахуунгүй байдлыг “хайр” нэрийн дор нуун дарагдуулж байна” хэмээжээ.