Нэмэгдсэн өртгийн албан татварын буцаан олголт өнөөдрөөс эхэлж байна. Тодруулбал, 2016 онд худалдан авсан нийт бараа бүтээгдэхүүний үнийн дүнгийн хоёр хувь буюу  НӨАТ-ын 20 хувьтай дүйцэх хэмжээний мөнгийг бүртгүүлсэн дансанд шилжүүлж эхэлжээ.

Улсын хэмжээнд 38.800 бизнес эрхлэгч, татвар төлөгчид кассын машиныг тогтмол хэрэглэж, “ebarimt.mn” цахим системд бүртгэлтэй 620 мянган иргэн бүртгүүлсэн байна. Тэгвэл эдгээр хэрэглэгчид НӨАТ-ын хоёр хувийн буцаан олголтоо авч эхэлсэн байна.

Татварын ерөнхий газраас өгсөн мэдээллээр өнгөрсөн онд улсын төсөвд нэг их наяд 565.4 тэрбум төгрөг оруулсан байна. Харин улсын төсвийн 555.2 тэрбум төгрөгийг НӨАТ-ын орлогоос бүрдүүлсэн аж.

Дашрамд сануулахад, хэрэв таны утсанд мессэж ирээгүй бол “ebarimt.mn” цахим системд бүртгүүлсэн дансаа шалгаарай.