Улсын хэмжээнд 25 685 иргэн зөөврийн хайрцгаар саналаа өгсөн байна. энэхүү санал хураалтыг өчигдөр Сонгуулийн тухай хуулийн 90 дүгээр зүйлд заасны дагуу зохион байгуулсан.

Зөөврийн битүүмжилсэн хайрцгаар эрүүл мэндийн байдлын улмаас санал авах байранд өөрийн биеэр хүрэлцэн ирж чадахгүй, дайчилгааны тухай хуульд заасны дагуу нийтийн дайчилгаанд хамран ажиллаж байгаа, захиргааны зөрчлийн улмаас баривчлагдсан, албадан саатуулагдсан, таслан сэргийлэх арга хэмжээ авагдсан иргэдийн саналыг авч байгаа юм.

Мөн байцаан шийтгэх албадлагын арга хэмжээний улмаас баривчлагдсан, цагдан хоригдсон, санал авах ажиллагааг зохион байгуулж байгаа сонгуулийн байгууллагын ажилтан, цагдаа, иргэний бүртгэлийн байгууллагын итгэмжлэгдсэн төлөөлөгч, мэдээллийн технологийн даамал нар зөөврийн саналын хайрцгаар саналаа өгчээ.

 Тус санал хураалтад улсын хэмжээнд 27 009 иргэн оролцоно гэж бүртгүүлснээс 25 685 иргэн саналаа өгсөн аж.