Нийслэлийн Сүхбаатар дүүргийн нутаг дэвсгэрт байрлах “Элит” хотхонд мөрийтэй тоглож байсан мөрийтэй тоглоомчдыг дээрэмдсэн хэрэг гарсан талаар өмнө бид мэдээлсэн билээ. Тодруулбал, галт зэвсгээр зэвсэглэсэн А, Б, А, Н, А нарын этгээдүүд мөрийтэй тоглоомчдоос 1.2 кг алт, 2000 ам.доллар дээрэмдэж, хэргийн газраас зугтаасан ч цагдаагийн алба хаагчид шуурхай ажиллан гэмт этгээдүүдийг илрүүлсэн.

Гэмт хэрэг үйлдсэн этгээдүүд өмнө нь ч мөн хэрэг үйлдэж байсан талаар холбогдох албаныхан мэдээлсэн юм. Хэргийг “Ландага” хочит Ё.Батцэнгэл, “шош” хэмээх Н.Ариунгэрэл нар зохион байгуулж, өмнө нь танхайн хэргээр гэмт хэрэгт холбогдож байсан “Ука” хэмээх Г.Алтанхуяг, Б.Насандэлгэр, М.Амартүвшин зэрэг этгээдүүд дээрмийн хэргийг гардан үйлдсэн байдаг.

Тэгвэл галт зэвсэг ашиглаж дээрэм үйлдсэн уг онц ноцтой гэмт хэргийг мөрдөн шалгах хугацаа дууссан байна. Хэргийг  шүүхэд шилжүүлэхэд бэлэн болсон аж.