Нью-Йоркийн Бруклинд байрлалтай Хятад ресторан руу шар өнгийн малгайтай цамцтай, нүүрээ халхалсан этгээд халджээ. Тэрбээр хутгаар зэвсэглэсэн байсан аж. Хулгайч  ресторан руу дайрч ормогцоо хутга гарган кассын ажилтан эмэгтэйг айлгаж, текийг даван орохыг завдах үед  рестораны гал тогооны хэсгээс хоёр ч тогооч хутга, шөлний шанаг зэргээ барин гарч ирэн эсэргүүцэл үзүүлсэн байна.

Улмаар өнөөх хулгайч ч сүүлээ хавчин зугтжээ. Инээдэмтэй, хөгжилтэй ч гэмээр хулгайчийг хашраасан үйл явдал ч хяналтын камерт бичигдэн эдүгээ нийгмийн сүлжээнд цацагдаж эхэллээ. Харин интернэт хэрэглэгчид янз бүрээр л хүлээн авч байна. Ингээд бичлэгийг хүргэе.