Эдна Стеферд гэх хөгшин эдүгээ 94 настай. Аль хэдийнэ ач, гучаа үзсэн эмэгтэй. Гэхдээ тэр хэзээ ч зүгээр суудаггүй бөгөөд долоо хоног бүр 10 өөр фитнесст явж биеэ эрүүлжүүлдэг гэнэ.  Өмнө нь тэрбээр бүжгийн багшаар ажилладаг байжээ. Харин эдүгээ гавъяаныхаа амралтад суусан ч, эрүүл мэнд, биеийн жингээ хэвийн байлгахын тулд байнга дасгал хөдөлгөөн хийдэг байна.

Түүний хичээл зүтгэлийг хотын захиргаанаас хүртэл үнэлж, шагнаж урамшуулсан гэнэ. 94 настай ч, байнгын идэвхитэй амьдралаар амьдардаг энэ эмэгтэй оршин суугчдад урам зориг, итгэл найдвар өгдөг учир ийнхүү шагнасан гэж албаныхан тайлбарлажээ. Харин хөгшин амьдралынхаа хэв маягийг зүгээр л бууж өгөхийг хүсээгүй учраас хэмээжээ.

Тэрбээр “Би суух дургүй, тиймээс байнга хөдөлж байдаг юм” гэж долдугаар суваг телевизэд өгсөн ярилцлагадаа дурьдсан байна. Эдна Стеферд акуа аэробик, тай чи, латин бүжиг, зумба зэргээр  хичээллэн, фитнесс төвд өнждөг ажээ.