Эмэгтэйчүүдийн 57 кг-ын жингийн медальтнууд дөнгөж сая тодорлоо. Энэ жинд түрүүлэх бөх эхнээсээ тодорхой байсан гэхэд болно. Тэр ч ёсоор болж Олимпийн мөнгөн медальт Д.Сумъяа финалд энэ жил жин өгсч барилдаж байгаа “Алдар” спорт хорооны тамирчин, ОУХМ А.Цолмонг дарах мэхээр цэвэр ялж, улсын аварга шалгаруулах тэмцээнд дөрвөн жил дараалан түрүүллээ.

Тэгвэл өнгөрсөн жил 52 кг-д улсын аварга болсон, энэ жиндээ Олимпийн наадамд оролцсон А.Цолмон жин өгсч барилдаад, мөнгөн медаль хүртэж чадлаа. Харин хүрэл медалийг “Монголын жүдо академ”-ийн тамирчин Т.Мөнгөнтуяа, “Тэмүүжин” клубын тамирчин н.Отгонцэцэг нар хүртлээ.