БНХАУ-ын Гуандунь мужийн Шэньжэнь хотод ийм нэгэн явдал болжээ. Тус хотод үйл ажиллагаагаа явуулдаг сүлжээ халамжийн төвийн ажилтнуудын  өнгөрсөн жилийнхээ ажлын амжилт, үр дүн, цаашдын зорилго зорилтоо тодорхойлох жилийн эцсийн уулзалт зохион байгуулагдсан байна.

Тэгвэл уулзалтын үеэр Халамжийн төвийн удирдлагууд ажилтнуудынхаа хөлд сөгдөн сууж, түмпэнтэй усанд хөлийг нь хийн угааж, хүндэтгэл үзүүлжээ. Энэ үеэр зарим ажилтнууд нулимсаа барьж дийлэлгүй уйлж буй байдал ч бичлэгт дүрслэгдсэн байна. Өмнө нь ч гэсэн тус мужийн Гуанзоу хотын инженерийн технологийн компанийн удирдлагууд ажилтнуудынхаа хөлийг угааж өгч байсан удаатай юм.