Оюутан залуус нэгдэн утааны эсрэг өөрсдийнхөө дуу хоолойг өвөрмөц аргаар илэрхийлж байна. Хотын төвд байрлах хөшөөнүүдэд утаанаас хамгаалах маск зүүлгэж эхэлжээ. Тус хөдөлгөөнийг санаачилсан оюутан залуус “Эрүүл Агаар Бидний Ирээдүй” төслийг өнгөрсөн оны арванхоёрдугаар сараас эхлэн хэрэгжүүлж байна.

Энэхүү хөдөлгөөнийг МУИС оюутан Н.Доржнамжин, Хүмүүнлэгийн ухааны их сургуулийн оюутан Энхбилгүүн, СЭЗИС-ийн оюутан Балжинням, Буяннэмэх, Дөлгөөн, Энхбулган нар анх санаачлан зохион байгуулсан. Түүхэн алдартнууд хувьсгал тэмцэл хийж явахдаа ийм утаатай нийгмийг хүсээгүй. Тэд хэрэв амьд байсан бол утааны эсрэг тэмцэх л байсан” гэв.

Энэ тэмцлээр дамжуулан тэд Засгийн газар болон олон нийтэд дор бүртээ шийдэл гаргах цаг нь болсон гэсэн санааг хүргэхийг хүссэн аж. Мөн хөшөөнд маск зүүлгэхээс гадна хэд хэдэн ажлыг санаачлан хэрэгжүүлж байгаа юм байна. Тухайлбал, албан байгууллагуудтай хамтран  утааны маскийг утаа ихтэй бүсэд оршин суугчид, ТӨК-ийн ажилчид, хүүхэд болон өндөр настанд тараажээ. Дашрамд сонирхуулахад, өдөр ирэх тусам хөдөлгөөнд оролцогчид нэмэгдэж байгаа аж.