Туркийн Истанбул хотод шинэ оны баярын үдэшлэг болж байсан шөнийн клуб руу үл таних этгээд гал нээж, 39 хүн амиа алдсан. Гэмт хэрэгтэн хэргийн газраас зугтсан бөгөөд хэн гэгч, ямар бүлэглэл үйлдсэн нь саяхныг болтол тодорхойгүй байсан билээ. Тэгвэл уг хэргийг хэт даврагч “Лалын улс” бүлэглэл үйлдсэн гэдгээ хүлээлээ.

 Тус бүлэглэл сошиал сүлжээнд албан ёсны мэдэгдлээ байршуулсан байна. Улмаар Рейна гэх шөнийн клубт болсон халдлагыг “Лалын улс” бүлэглэлийн ариун дайчин үйлдсэн гэдгийг онцолжээ. Гэмт хэрэгтэн гар хийцийн бөмбөг болон буугаар зэвсэглэсэн байсан гэнэ.