ОХУ-ын онгоц гадны нөлөөгүй сүйрсэн гэв
ОХУ-ын баруун өмнөд хэсгийн хар тэнгист Tu-154 цэргийн зориулалттай онгоц сүйрсэн билээ. Аврах албаныхан эдүгээ онгоцны хэсэг болон хохирогчдын цогцсыг хайх ажиллагааг үргэлжлүүлж байна. Онгоцонд нийтдээ 92 хүн зорчиж явсан бөгөөд найм нь нисэх багийн гишүүн, Александрова Ансамблийн 64 уран бүтээлч, есөн сэтгүүлч байжээ. Одоогоор онгоцны ослын шалтгаан тодорхойгүй байгаа юм.
Зарим эх сурвалж онгоц гадны нөлөөтэйгөөр сүйрсэн байж болзошгүй гэх таамгийг дэвшүүлж байсан. Тэгвэл ОХУ-ын Мөрдөн байцаагчид энэхүү таамгийг үгүйсгэж байгаа аж. Тус улсын Батлан хамгаалах яамны мэдээлснээр өчигдөр шөнө 3.5 метр урт, 4.5 метрийн өргөнтэй онгоцны нэг хэсгийг илрүүлэн уснаас гаргажээ.
Онгоцны хар хайрцаг олдоогүй байгаа учир сүйрлийн шалтгааныг тодорхойлох боломжгүй. Гэхдээ албаныхан техникийн доголдол, нисгэгчийн алдаа, шатахуун дууссан, аль эсвэл хөдөлгүүр гэмтсэн гэх мэт дөрвөн боломжийг судалж буй гэнэ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
