Шинэ үе продакшны жүжигчин Б.Ундармаа сүүлийн жилүүдэд хошин урлаг гэхээсээ илүүтэйгээр дэлгэцийн уран бүтээлд хүч үзэх болсон. “Ганц бие эмэгтэйчүүд 1, 2”, “Тютю” гэх мэт дэлгэцийн бүрэн хэмжээний уран сайхны киног найруулж, үзэгчдэд хүргэсэн жүжигчин, найруулагч Б.Ундармаа буяны үйлст ч гар татдаггүй өгөөмөр нэгэн.

Тэрбээр сайн үйлсийн аянг өрнүүлж, өөрийн уран бүтээлийнхээ ашиг орлогоор олон ч эмнэлгийн хүлээлгийн танхим, хүүхдийн өрөө, тасалгааг  орчин үеийн загвараар тохижуулсан нь олон хүний талархлыг хүртсэн удаатай. Тэгвэл сайхан сэтгэлт, хөдөлмөрч бүсгүй тун удахгүй шинэхэн уран бүтээлээ өлгийдөн авах гэнэ.

Түүний найруулсан дөрөв дэх дэлгэцийн бүтээл болох “Амьдралоги”  ирэх сарын 2-нд кино театруудын дэлгэцнээ нээлтээ хийх юм байна. Уг кинонд жүжигчин бүсгүй өөрөө мөн тоглосон бөгөөд их сургуулийн багшийн дүрээр үзэгч, фэнүүдтэйгээ уулзах ажээ.