Улаанбаатарт суугаа Чех улсын ЭСЯ-ны цахим хаягийг хуурамчаар үйлдэн, ашиг олж байсан залуусыг илрүүлэн саатуулжээ. Уг хэрэгт сэжиглэгдэж буй залуус Чех улсад ажиллаж, амьдрах хүсэлтэй иргэдийг мэхлэн, дугаар олгож мөнгийг нь завшиж байсан аж.

Тэдний олгосон дугаар албан ёсных биш байсан учраас давхцах тохиолдол ч олон гарч, иргэдийг багагүй бухимдуулсны зэрэгцээ Чехийн ЭСЯ-ны нэр хүндийг унагахад нөлөөлсөн байна. Тэгвэл Эрүүгийн цагдаагийн газрын Кибер гэмт хэрэгтэй тэмцэх хэлтсийнхэн  шаргуу ажилласны дүнд Монголд бүртгэлтэй ай пи хаягнаас хуурамч хуудас нээснийг тогтоож, сэжигтнүүдийг  саатуулсан ажээ.