Охиноо мэс засалд оруулахын тулд эцэг нь 27 мянган ам.доллар төлжээ
Нэгэн эцэг охиндоо шинэ жилийг тохиолдуулан “гоо сайхан”-ыг бэлэглэжээ. Томас Йорк гэгч эр гадаад төрх нь гундаж, сэтгэл гутрах болсон охиноо аврахын тулд зул сарын бэлэг болгон гоо сайхны мэс засалд орох зардлыг нь даасан аж.
Тэрбээр нийтдээ 27 мянган ам.долларыг эдүгээ 23 настай Иреландад сурдаг охин Халей Йоркдоо бэлэглэжээ. Бүсгүй өмнө нь нэлээд махлаг байсан бөгөөд хоолны дэглэм барьж, өнгөрсөн жил хэвлий хэсэгтээ гоо сайхны мэс засал хийлгэсэн байна. Энэ бүгдийн дараа охин турж чадсан ч, хөл, гар, хэвлий хэсгийнх нь арьс унжиж, гадаад төрх нь төдийлөн сайхан болж чадаагүй байна.
Тэгвэл эцэг нь охиныхоо унжсан арьсыг арилгах, хөхийг өргөх гоо сайхны мэс засалд зориулж, нийтдээ 27 мянган ам.долларыг зарцуулжээ. Ийнхүү таван сарын өмнөөс бүсгүй төгс гоо сайхныг олж, тун ч үзэсгэлэнтэй болсон байна. Тэрбээр загварын ертөнцөд хөл тавьж, хүмүүст өөрийгөө хүлээн зөвшөөрүүлэхийн төлөө тэмцэж буй аж.
Бүсгүй “Эдгээр мэс засал аавын минь надад өгсөн бэлэг. Аав минь миний төлөө энэ бүгдийг хийсэнд үнэхээр талархаж байна” гэж ярьжээ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
