Сүүлийн үед ахуйн холбогдолтой гал түймэр ихэссэн талаар Онцгой байдлын газраас анхааруулж байгаа билээ. Тэгвэл энэ сарын 9-нд гэхэд Чингэлтэй дүүргийн XV дугаар хороонд оршин суух айлд ахуйн холбогдолтой гал гарсан байна.

 Гал гарах үед гэрт хүнгүй байсан бөгөөд тус дүүргийн  XV дугаар хорооны мэдээллийг Согоот 116 дугаар чиглэлд үүрэг гүйцэтгэж байсан эргүүлийн офицер, цагдаагийн ахмад Х.Мөнхзаяа, эргүүлийн цагдаа жолооч ахлах, ахлагч Б.Мөнхбаяр нар хөрштэй хамтарч галыг унтраажээ.

Тодруулбал, цагдаагийн алба хаагч нарыг дуудлагын дагуу очиход гэр дээрээсээ эхлэн шатаж байсан байна. Энэ үед цагдаагийн ахмад Х.Мөнхзаяа гэрийн тооноор орж, хүн байгаа эсэхийг шалган, галыг түргэн шуурхай унтраах арга хэмжээ авсан аж. Тиймээс ахуйн холбогдолтой гал түймэр гарахаас урьдчилан сэргийлэхийг анхаарууллаа.