Улаанбаатар хотын Замын цагдаагийн алба Гэмтэл согог судлалын үндэсний төвтэй хамтран баяр ёслол, амралтын өдрүүд эхэлж байгаатай холбогдуулан зам тээврийн осол, хэрэг болон бэртэж, гэмтэх, осгож хөлдөх зэрэг байдлаар амь нас, эрүүл мэндээрээ хохирох иргэдийн тоо нэмэгдэх хандлага бий болсонтой холбогдуулан мэдээлэл хийлээ.

Он гарсаар улсын хэмжээнд согтууруулах ундааны зүйл хэрэглэсэн үедээ тээврийн хэрэгсэл жолоодсоны улмаас үйлдэгдсэн нийт 739 зам тээврийн осол бүртгэгдсэн байна.  Зам тээврийн осол, хэргийн улмаас 98 хүний амь хохирч, 179 хүн хүнд хөнгөн бэртжээ.

Харин согтуугийн улмаас осгож нас барсан тохиолдол бүртгэгдээгүй байна. Гэхдээ согтуугийн улмаас гадаа удаан байж, улмаар гар хөлөө хөлдөөсөн тохиолдлууд гарчээ. Тиймээс Улаанбаатар хотын Замын цагдаагийн албанаас согтууруулах ундааны зүйл хэтрүүлэн хэрэглэхгүй байхыг анхаарууллаа.