Английн алдарт “Манчестер Юнайтед” клубын довтлогч Златан Ибрахимович премьер лигийн 15 дугаар тойрогт “Тоттенхэм”-ийн эсрэг гараанд гарсан билээ. Ингэснээр Швед эр клубын төвшинд замналынхаа 700 дахь тоглолтод оролцож байгаа юм.

Тэрбээр “Мальмо” клубын төлөө 47 тоглолтод оролцож байсан бол “Аякс”-т 110, “Ювентус”-т 92, “Интер”-т 117, “Барселона”-д 46, “Милан”-д 85, “ПСЖ”-д 180 тоглолтод оролцжээ. Харин “Манчестер Юнайтед”-д ирээд 23 тоглолтод оролцсон байна. Өдгөө 35 настай довтлогч 700 тоглолтод оролцохдоо 405 гоол оруулчихаад байгаа юм.