Английн премьер лигийн 15 дугаар тойргийн хүрээнд “Лестер” талбайдаа “Манчестер Сити”-г хүлээж авч, 4:2-оор буулгаж авсан билээ. Аваргуудын лигийн хэсгийн сүүлчийн тоглолтод шилдгүүдээ амраасан “Лестер” ийн чансаагаа харуулж, хамгийн хүчтэй өрсөлдөгчийнхөө нэгийг зажилахгүй залгилаа.

Энэ тоглолтод Жейми Варди хет-трик хийж, өөрийгөө байгаа шүү гэдгийг мэдрүүлсэн. Мөн тэрбээр “Лестер”-ын төлөө хамгийн олон гоол оруулсан тоглогч боллоо. Өдгөө 29 настай Варди багийнхаа төлөө 34 гоол оруулж, 33 гоолтой байсан Эмил Хески болон Маззи Иззет нарын амжилтыг давж гарсан юм.