Мексикийн сенатчид зул сарын баярын үдэшлэг зохион байгуулж хөгжилджээ. Улмаар энэ үеэр АНУ-ын шинэхэн Ерөнхийлөгч Доналд Трампыг шоглож, түүнтэй яг ижил пината хийн  дээврээс дүүжлэн саваагаар цохиж тоглосон гэнэ. Тэд энэ үйлдлээ баримтжуулан бичлэг хийсэн байх бөгөөд тэр нь цахим ертөнцөд тархаж, дуулиан шуугиан болж байна.

Эрх баригч намын шинэ жилийн үдэшлэгт Хувьсгалт Ардчилсан намын гишүүд гоёлын даашинзаар гоёж ирсэн байх бөгөөд хөгжмийн ая эгшиглүүлж, түүнд тааруулан ээлж ээлжээр саваа барин цохиж  хөгжилджээ.

Маш том хэмжээтэй пинатаг Трампыг санагдуулам шар үс, хар костьюмтайгаар дүрсэлсэн байх бөгөөд тэдний дунд байсан нэгэн гишүүн хөлөөрөө өшиглөн пинатаг хагалж, доторх чихрийг унагаж буй агшин мөн дүрслэгдсэн байна. Доналд Трамп сонгуулийн сурталчилгааныхаа үеэр мексикчүүдийг гэмт хэрэгтнүүд, хар тамхичид гэх мэтээр доромжилж, Мексик-АНУ-ын хилд хана босгоно хэмээн ярьж байв.