БНАСАУ-ын залуу удирдагч Ким Жон Ун Өмнөд Солонгос руу цөмрөн орох зорилгоор хоёр улсын хил дагуу газар доорх  нууц хонгил  байгуулсан байжээ.  Одоогоор Сөүлийн албаныхан хил дагуу дөрвөн хонгил барьсан байгааг олж илрүүлсэн байх бөгөөд дахиад 16 орчим хонгил байх магадлалтайг онцолсон байна.

Хойд Солонгос улсын хувьд он гарснаас хойш таван ч удаа цөмийн зэвсэг туршсан байх бөгөөд ингэснээр бүс  нутгийн улс орнууд айдас хүйдэст автаж, БНСУ-тай Япон, АНУ-ын албаныхан хамтран ажиллахаа мэдэгдээд байв.

 Харин хамгийн сүүлчийн цөмийн туршилтаас ердөө хоёрхон сарын дараа БНСУ-ын албаныхан нууц хонгилыг илрүүлжээ.  Тэдгээр хонгилоор нэг цагт 30 мянган цэрэг дайчин дамжин өнгөрөх хүчин чадалтайг шинжээчид онцолсон байна.