УИХ-ын чуулганын хуралдаанаар Монгол Улсын Хилийн тухай хуулийн шинэчилсэн найруулгын төслийг хэлэлцэх эсэх асуудлыг хэлэлцэж байгаа билээ. Тэгвэл УИХ-ын Тамгын газраас өнөөдрийн үдээс өмнөх чуулганы хуралдаанд оролцож байгаа гишүүдийн ирцийн мэдээллийг гаргалаа.

Энэ удаагийн ээлжит хуралаанд УИХ-ын 76 гишүүнээс Х.Баделхан, Л.Болд нар цагтаа иржээ. Харин УИХ-ын дэд дарга Я.Санжмятав тэргүүтэй УИХ-ын гишүүн Г.Солтан, Д.Сумъяабазар, Ч.Улаан, Д.Ганболд, Б.Жавхлан, С.Жавхлан, Д.Лүндээжанцан, Д.Мурат, Ө.Энхтүвшин, Х.Нямбаатар, Ж.Эрдэнэбат чуулганд ирсэнүй.

Мөн УИХ-ын гишүүн Т.Аюурсайхан, Л.Оюун-Эрдэнэ, Я.Содбаатар, Б.Бат-Эрдэнэ, А.Сүхбат, Ц.Гарамжав, Б.Энх-Амгалан, Л.Энхболд нар гадаадад томилолтоор ажиллаж байгаа хэмээн УИХ-ын Тамгын газраас мэдээллээ. Түүнчлэн Д.Дамба-Очир, Б.Дэлгэрсайхан нар орон нутагтаа ажиллаж байгаа ажээ.